Հարկադիր կատարումն ապահովող ծառայության աշխատանքային օրակարգում շարունակում են
առաջնահերթություն մնալ մարզային այցելությունները, որոնք միտված են կառույցի գործունեության արդյունավետության բարձրացմանը։
Գլխավոր հարկադիր կատարող Սիրո Ամիրխանյանը, ղեկավար կազմի ուղեկցությամբ, աշխատանքային այց է կատարել Ծառայության Արարատի և Վայոց ձորի մարզային բաժին։
Աշխատանքային քննարկումների ընթացքում Ծառայության Արարատի և Վայոց ձորի մարզային բաժնի պետ Լևոն Դանիելյանը ներկայացրել է բաժնի ցուցանիշներն ու աշխատանքի կազմակերպմանն առնչվող հարցերը։
Գլխավոր հարկադիր կատարողն առանձնահատուկ անդրադարձել է աշխատանքային կարգապահությանը, բարձրացված խնդիրների լուծմանն առավել ուշադիր ու հետևողական լինելուն, այդ թվում՝ հեռախոսազանգերին, քաղաքացիների դիմում-բողոքներներին արագ և պատշաճ կերպով պատասխանելուն։
Քննարկվել են նաև «Կատարողական վարույթի մասին» նոր օրենքի կիրարկմանն առնչվող ընթացակարգային հարցերը, ուժի մեջ մտնելու ժամկետները։
