ՀՀ գլխավոր դատախազ
Արդարադատության երրորդ դասի պետական խորհրդական
Տիկին Աննա Վարդապետյանին
Հարգելի' տիկին Վարդապետյան,
Հարկադիր կատարումն ապահովող ծառայության և անձամբ իմ անունից սրտանց շնորհավորում եմ Ձեզ և Հայաստանի Հանրապետության դատախազության ողջ անձնակազմին մասնագիտական տոնի առթիվ։
Դատախազությունն առանցքային դեր ունի իրավական պետության կայացման, օրենքի գերակայության ապահովման, հանրային շահի պաշտպանության և արդարադատության արդյունավետ իրականացման գործում։ Ձեր ամենօրյա պատասխանատու ծառայությունը, բարձր մասնագիտական պատրաստվածությունն ու սկզբունքային մոտեցումը կարևոր նշանակություն ունեն քաղաքացիների իրավունքների պաշտպանության, իրավակարգի ամրապնդման և հանրային վստահության պահպանման գործում։
Վստահ եմ, որ իրավապահ համակարգի տարբեր օղակների միջև ձևավորված արդյունավետ համագործակցությունը շարունակելու է նպաստել օրենքի գերակայության ապահովմանը, պետական ինստիտուտների ամրապնդմանը և մեր երկրի զարգացմանը։
Մեկ անգամ ևս շնորհավորելով մասնագիտական տոնի առթիվ՝ մաղթում եմ Ձեզ և Դատախազության բոլոր աշխատակիցներին ամուր առողջություն, անսպառ եռանդ, նոր հաջողություններ և արդյունավետ գործունեություն՝ ի բարօրություն Հայաստանի Հանրապետության և մեր ժողովրդի։
ՀՀ գլխավոր հարկադիր կատարող
Սիրո Ամիրխանյան
