ՀՀ Գլխավոր դատախազ

Տիկին Աննա Վարդապետյանին

Հարգելի՛ տիկին Վարդապետյան, 

Հարկադիր կատարումն ապահովող ծառայության և անձամբ իմ անունից շնորհավորում եմ Ձեզ և Դատախազության բոլոր աշխատակիցներին Դատախազության հիմնադրման 105-ամյակի և Դատախազության աշխատողի օրվա առթիվ։

Ձեր ղեկավարած կառույցը կարևորագույն դերակատարում ունի Հայաստանի Հանրապետությունում իրավունքի գերակայության հաստատման և հանցավորության դեմ պայքարի գործում:

Ձեր ամենօրյա լարված ու պատասխանատու աշխատանքով նպաստում եք մեր երկրում օրինականության հաստատմանը, մարդու իրավունքների պաշտպանությանն ու ժողովրդավարական արժեքների ամրապնդմանը։ Վստահ եմ, որ մասնագիտական գիտելիքների, նվիրվածության և որդեգրած աշխատանքի կազմակերպման նոր մոտեցումների շնորհիվ՝ կարողանալու եք էլ ավելի բարձրացնել կառույցի հեղինակությունը՝ լիարժեքորեն իրականացնելով Դատախազության սահմանադրական առաքելությունը։

Կրկին շնորհավորելով մասնագիտական տոնի կապակցությամբ՝ Ձեզ և դատախազական համակարգի բոլոր աշխատակիցներին մաղթում եմ քաջառողջություն, խաղաղություն և բարի ծառայություն` հանուն Հայաստանի Հանրապետության և հայ ժողովրդի: 

Գլխավոր հարկադիր կատարող     

Արսեն Մնացականյան