ՀՀ ԱՆ քրեակատարողական ծառայության պետ
Ծովինար Թադևոսյանին
Հարգելի՛ տիկին Թադևոսյան,
Հարկադիր կատարումն ապահովող ծառայության և անձամբ իմ անունից սրտանց շնորհավորում եմ Ձեզ և Քրեակատարողական ծառայության աշխատակիցներին մասնագիտական տոնի առթիվ։
Քրեակատարողական ծառայությունն առանցքային դեր ունի մեր երկրում իրավակարգի ամրապնդման, հասարակության, օրենքի և մարդու իրավունքների պաշտպանության գործում։
Ձեր ամենօրյա աշխատանքը մեծ ազդեցություն ունի հասարակական անվտանգության ու արդարադատության իրականացման վրա: Ուստի, պրոֆեսիոնալիզմը, սկզբունքայնությունը և բարեխղճությունը անփոխարինելի են քրեակատարողական համակարգի արդյունավետության, կարգապահության հարցում:
Վստահ եմ, որ Ձեր հետևողականության արդյունքում կկարողանաք ապահովել քրեակատարողական ոլորտի բարեփոխումները։
Կրկին շնորհավորելով մասնագիտական օրվա առթիվ՝ ցանկանում եմ Ձեզ քաջառողջություն, հաջողություն և նորանոր մասնագիտական ձեռքբերումներ` հանուն մեր պետության և ժողովրդի:
Սիրո Ամիխանյան
Գլխավոր հարկադիր կատարող
