ՀՀ գլխավոր դատախազ

Արդարադատության երրորդ դասի պետական խորհրդական

Տիկին Աննա Վարդապետյանին

Հարգելի’ տիկին Վարդապետյան,

Հարկադիր կատարումն ապահովող ծառայության և անձամբ իմ անունից ջերմորեն շնորհավորում եմ Ձեզ և դատախազական համակարգի բոլոր ներկայացուցիչներին մասնագիտական տոնի կապակցությամբ։

Դատախազության նշանակալի դերը Հայաստանի Հանրապետության իրավական համակարգում արդարադատության իրականացման, օրինականության վերահսկման և հանցավորության և կոռուպցիայի դեմ պայքարի գործընթացում արժանի է գնահատանքի։ Իրավապահ մարմինների օղակում Ձեր կառույցի կողմից իրականացվող հետևողական ու պատասխանատու գործունեությունն էական ներդրում է քաղաքացու իրավունքների պաշտպանության և հասարակական արդարության ապահովման գործում։

Համոզված եմ, որ Ձեր նվիրվածությունը, բարձր մասնագիտական պատրաստվածությունը և սկզբունքայնությունը շարունակելու են առաջնորդել մեր պետականության ամրապնդման ու Դատախազության սահմանադրական առաքելության արդյունավետ իրականացման գործում։

Կրկին շնորհավորելով մասնագիտական օրվա առթիվ՝ մաղթում եմ Ձեզ և Դատախազության բոլոր աշխատակիցներին քաջառողջություն, նորանոր հաջողություններ և ձեռքբերումներ՝ հանուն Հայաստանի Հանրապետության բարօրության։

ՀՀ գլխավոր հարկադիր կատարող     

Սիրո Ամիրխանյան