ՀՀ Քննչական կոմիտեի նախագահ
Արդարադատության երրորդ դասի պետական խորհրդական
Արգիշտի Քյարամյանին
Հարգելի՛ պարոն Քյարամյան,
Հարկադիր կատարումն ապահովող ծառայության և անձամբ իմ անունից շնորհավորում եմ Ձեզ և Քննչական կոմիտեի ողջ անձնակազմին կազմավորման 10-ամյակի և Քննչական կոմիտեի ծառայողի օրվա առթիվ։
Ձեր ղեկավարած կառույցին վերապահված է մեր երկրում իրավակարգի ամրապնդման, հանցավորության և կոռուպցիայի դեմ պայքարին ուղղված կարևորագույն գործառույթների ապահովումը, Հայաստանի Հանրապետությունում օրինականության ամրապնդումն ու քաղաքացիների իրավունքների և օրինական շահերի պաշտպանությունը:
Վստահ եմ՝ Քննչական կոմիտեի գործունեության՝ այսօր արդեն տեսանելի արդյունքները Ձեր ղեկավարությամբ և կոմիտեի աշխատակիցների բարեխիղճ ու հետևողական աշխատանքի շնորհիվ կլինեն շարունակական հետագա տարիներին ևս՝ արձանագրելով նորանոր հաջողություններ օրենքով վերապահված լիազորություններն իրականացնելիս։
Կրկին շնորհավորելով հոբելյանական օրվա առթիվ՝ Ձեզ և Քննչական կոմիտեի բոլոր աշխատակիցներին մաղթում եմ խաղաղություն, անկոտրում կամք և արդյունավետ աշխատանք՝ հանուն Հայաստանի Հանրապետության և հայ ժողովրդի:
Գլխավոր հարկադիր կատարող
Արսեն Մնացականյան
