Ս․թ․ հուլիսի 13-14-ը Հարկադիր կատարումն ապահովող ծառայության վարչական շենքում տեղի է ունեցել Ծառայության Երևան քաղաքի և մարզային բաժինների հարկադիր կատարողների թափուր պաշտոնների համալրման նպատակով հայտարարված մրցույթը:
Մրցույթն անցկացվել է երկու փուլով՝ գրավոր և բանավոր, որին մասնակցել է Ծառայության Երևան քաղաքի և մարզային տարբեր բաժիններում փորձաշրջան անցած 26 մասնակից։
Թեստավորման փուլը հաղթահարած 20 մասնակից անցել է հարցազրույցի փուլ։
Գրավոր և բանավոր փուլերի ընդհանուր արդյունքներով՝ հարկադիր կատարողների թափուր պաշտոնների համար հայտարարված մրցույթը հաղթահարել է թվով 12 մասնակից:
