Հարկադիր կատարումն ապահովող ծառայության Ֆինանսական բաժնում երկու փորձագետ ներգրավելու վերաբերյալ

1․ Ծրագրով նախատեսված աշխատանքների համառոտ նկարագիրը՝

Աշխատանքային գործընթացի գերծանրաբեռնվածությամբ պայմանավորված, պետական մարմնի կանոնադրական խնդիրներից բխող որոշակի ժամկետով ծրագրերի իրականացման համար, ծավալների կտրուկ ավելացմամբ կատարողական վարույթների վարման էլեկտրոնային վարույթների միասնական Z-flow համակարգում պահանջվող գրանցումներն իրականացնելու և դեպոզիտ հաշիվների վարման առցանց համակարգչային/էլեկտրոնային/ ծրագրերով բռնագանձված գումարների մուտքագրումը, խմբագրումը, ելքագրումը, պահանջվող գրանցումներն իրականացնելու նպատակով Ֆինանսական բաժնում անհրաժեշտ են 2 փորձագետներ։

2․ Փորձագետ ներգրավելու ժամկետը՝

6 ( վեց ) ամիս։

3․ Փորձագետի պարտականությունները՝

• Ընդունել Ծառայության բաժինների կողմից գումարի բռնագանձման մասին բաշխման տեղեկանքները, իրականացնել նրանց կողմից ներկայացված բռնագանձված գումարների բաշխման տեղեկանքների մուտքագրումներն ու ելքագրումները.
• Իրականացնել Ծառայությունում առկա դրամարկղի վարման և դեպոզիտ հաշիվների վարման առցանց համակարգչային /էլեկտրոնային/ ծրագրերով բռնագանձված գումարների վարումը, «Կատարողական վարույթների էլեկտրոնային կառավարման համակարգերի» ծրագրի վարումը.
• Իրականացնել ամենօրյա մուտքերի, չպարզված գումարների ճշտում, և արդեն պարզաբանված գումարների տեղեկանքների տրամադրում համապատասխան  բաժիններին.
• Բարեխղճորեն կատարել պայմանագրով ստանձնած աշխատանքները, պահպանել Հարկադիր կատարումն ապահովող ծառայության ներքին կարգապահական կանոնները, իրականացնել
  ՀՀ աշխատանքային օրենսդրությամբ, «Հանրային ծառայության մասին» ՀՀ օրենքով և պայմանագրով իրեն վերապահված պարտականությունները։

4․ Փորձագետին ներկայացվող պահանջները՝  

• բարձրագույն կրթություն,
• Z-flow ծրագրերի իմացություն,
• համապատասխան օրենսդրության իմացություն,
• հայերենի իմացություն,
• համակարգչով և ժամանակակից այլ տեխնիկական միջոցներով աշխատելու ունակություն,
• թիմում աշխատելու ունակություն,
• հաշվետվությունների, փաստաթղթերի կազմման և ներկայացման ունակություն,
• տեղեկատվության հավաքագրում, վերլուծություն։

5․ Դիմումների ներկայացման վերջնաժամկետն է՝ սույն հայտարարության հրապարակմանը հաջորդող 3-րդ օրը՝ 2024 թվականի հունվարի 9-ը ներառյալ։

6․ Աշխատանքի վայրը, հեռախոսահամարը՝ ՀՀ, ք․ Երևան, Հալաբյան 41ա, հեռախոս՝  (060) 713-429 (ներքին՝ 00132):

7․Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Դիմողի կողմից ներկայացվող անհրաժեշտ փաստաթղթերի ցանկը՝

Դիմում՝ (ձևը կցվում է),

Հայտարարություն (ձևը կցվում է), ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,

Տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի՝ դիպլոմ (ների), վկայական (ների) պատճենները, աշխատանքային գրքույկի կամ աշխատանքային գործունեությունը հավաստող փաստաթղթի հաստատված պատճենները,

Արական սեռի անձինք՝ նաև զինվորական գրքույկի կամ դրան փոխարինող ժամանակավոր՝ զորակոչային տեղամասին կցագրման վկայականի պատճենը կամ համապատասխան տեղեկանք,

Ինքնակենսագրություն,

Երկու լուսանկար՝ 3,5×4,5 սմ չափսի,

Անձնագրի և հանրային ծառայության համարանիշի (սոցիալական քարտի) կամ նույնականացման քարտի պատճենները։

9. Ընտրություն կատարելու եղանակն է՝ դիմում ներկայացրած քաղաքացիների փաստաթղթերի ուսումնասիրություն։

10. Դիմողը փաստաթղթերը պետք է ներկայացնի առձեռն կամ էլեկտրոնային եղանակով՝ [email protected] էլեկտրոնային փոստի հասցեի միջոցով։ 

11. Ընտրված փորձագետի վերաբերյալ տեղեկությունը կհրապարակվի Հարկադիր կատարումն ապահովող ծառայության պաշտոնական կայքէջում (https://cesa.am/):

Դիմումներն ընդունվում են ամեն օր՝ ժամը 9⁰⁰-ից մինչև 18⁰⁰-ն, բացի շաբաթ և կիրակի օրերից։

Լրացուցիչ տեղեկություններ ստանալու համար կարող եք դիմել Հարկադիր կատարումն ապահովող ծառայության անձնակազմի կառավարման բաժին՝  հեռ. 010-34-15-66, 060-713-420 (ներքին՝ 00112)։