Skip to content
Կայքը գործարկման փուլում է
Close
Hit enter to search or ESC to close

Սերգեյ Մեղրյանը շնորհավորել է Մայիսյան եռատոնը

Սիրելի՛ հայրենակիցներ, Հայրենական պատերազմի վետերաններ, Արցախյան հերոսամարտի մասնակիցներ,

Շնորհավորում եմ մեր պատմության հաղթական էջերը միավորող Մայիսյան եռատոնի կապակցությամբ:

Այսօր մենք տոնում ենք Հայրենական պատերազմում տարած հաղթանակի 75-րդ, Շուշիի ազատագրման և Արցախի պաշտպանության բանակի կազմավորման 28-րդ ամյակները:

Տոնի խորհուրդն ամփոփում է ոչ միայն հայ ժողովրդի պատմության փառավոր էջերի կարևորութունը, այլ նաև մեր ազգի հաղթական ոգու և գիտակցված համախմբվածության միասնականությունը:

Փառապանծ այս տոնը խաղաղության և հաղթանակի, հայ ազգի անկոտրում ոգու, ազգային ինքնության համար պայքարող և հաղթանակող հայ տեսակի մարմնացումն է. հայ ազգն ուժեղ է պետությանն ու պետականությանը նվիրված իր զավակներով:

Սիրելի՛ հայրենակիցներ, մեկ անգամ ևս շնորհավորում եմ բոլորիս Եռատոնի առթիվ և մաղթում խաղաղություն, քաջառողջություն և նոր հաղթանակներ` կյանքի բոլոր ասպարեզներում:

Հավե՛րժ փառք ու պատիվ Հայրենական պատերազմում և Արցախյան հերոսամարտում նահատակված մեր խիզախ հայորդիներին:

 

Գլխավոր հարկադիր կատարող
Սերգեյ Մեղրյան

+374 60 713435